Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Luftëtari i lirisë, Faik Zogaj, nuk iu ka përgjigjur ftesës për hetime nga Prokuroria e Gjykatës Speciale. Ai deklaroi sërish për mediet, se nuk do të paraqitet para kësaj gjykate, të cilën nuk e njeh. Dje, përfaqësues zyrtarë të Gjykatës i shkuan në shtëpi dhe i kërkuan të paraqitej në hetime. Unë kam deklaruar edhe më parë se nuk do të paraqitem para kësaj gjykate, sepse nuk e njoh. Derisa kriminelët serbë i lënë të lirë e arrestojnë vetëm ish-ushtarët e UÇK-së, nuk i paraqitem kësaj gjykate. Ne e kemi pasur një komandant që ka qenë gjatë luftës, Komandant i Stacionit policor të serbëve, edhe e di me emër e mbiemër për këtë kemi dërguar edhe dëshmi në Prokurorinë e Kosovës, i cili me granata dorë na i ka mbytur familjarët tanë, edhe përderisa ata nuk dalin para drejtësisë, ne s’kemi pse të dalim, sepse ne në asnjë rast nuk jemi marrë me civilët. Kjo akuzë e rëndë është prej Dick Martit, i cili është në bashkëpunim me Serbinë, kjo është e papranueshme për ne, ka thënë mes tjerash luftëtari i lirisë, Faik Zogaj i ftuar për hetime nga Gjykata Speciale.
