Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Lidhjes Demokratike të Kosovës, Lumir Abdixhiku, ka deklaruar se zgjedhja e Presidentit të vendit duhet të bëhet përmes një marrëveshjeje politike ndërmjet subjekteve parlamentare, duke theksuar se Kosova nuk e ka luksin të hyjë në krizë institucionale për asnjë emër të veçantë. Abdixhiku ka theksuar se : Kandidimet unilaterale të partive nuk sjellin konsensus. Pa marrëveshje politike ndërmjet subjekteve parlamentare, imponimi i emrave të përveçëm nuk sjell asnjë rezultat tjetër përveç krizës institucionale. Zgjedhja e presidentit nuk mund të bëhet me logjikë force, por vetëm me logjikë konsensusi”, ka deklaruar Abdixhiku. Ai ka shtuar se për këtë pozitë duhet të gjendet një figurë konsensuale dhe unifikuese, e cila do të rikthente besimin mes partive politike dhe do të përfaqësonte shtetin mbi interesat partiake. “Lidhja Demokratike e Kosovës, si parti parlamentare, është e gatshme të marrë pjesë në çdo proces serioz ndërpartiak që synon ndërtimin e këtij konsensusi dhe zgjedhjen e një figure që përfaqëson shtetin”, ka theksuar ai.
