Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Lidhjes Demokratike e Kosovës dhe kandidati për kryeministër, Lumir Abdixhiku, ka uruar besimtarët myslimanë me rastin e Kurban Bajramit. Ai ka theksuar se kjo festë duhet të shërbejë si moment reflektimi, mirësie dhe bashkimi mes njerëzve. “Në këtë ditë të shenjtë të Kurban Bajramit, ju uroj nga zemra paqe, shëndet, harmoni dhe begati në familjet tuaja. Uroj që Krijuesi t’ju bekojë me mbarësi, qetësi shpirtërore e mirësi në çdo vatër tuajën”, ka shkruar Abdixhiku. Ai ka shtuar se Kurban Bajrami rikujton vlerat themelore njerëzore si sakrifica, solidariteti dhe kujdesi për ata që kanë më shumë nevojë. “Është një ditë reflektimi, mirësie e bashkimi; një ditë që na rikujton se forca e një shoqërie matet me humanizmin, respektin dhe dashurinë që ndajmë mes vete, por edhe me besimin e falënderimin ndaj Krijuesit”, thuhet në urimin e tij.
