Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleanca për Ardhmërinë e Kosovës, Ramush Haradinaj, ka vizituar selinë e Bashkësia Islame e Kosovës me rastin e festës së Kurban Bajramit, së bashku me Ardian Gjini dhe bashkëpunëtorë të tjerë. Haradinaj bëri të ditur se gjatë vizitës ia kanë përcjellë urimet më të përzemërta Myftiut Naim Tërnava dhe të gjithë besimtarëve myslimanë. “Në këtë ditë të shenjtë të Kurban Bajramit, bashkë me kryetarin, Ardian Gjini dhe bashkëpunëtorë, vizituam selinë e Bashkësisë Islame të Kosovës për t’ia përcjellë urimet më të përzemërta Myftiut, Naim Tërnava, si dhe të gjithë besimtarëve”, ka shkruar Haradinaj. Ai theksoi se Kurban Bajrami bart mesazhe të rëndësishme të sakrificës, solidaritetit dhe afërsisë mes njerëzve. “Kurban Bajrami na kujton vlerat e sakrificës, solidaritetit dhe afërsisë me njëri-tjetrin, vlera që na kanë përcjellur si popull, në kohë të mira e të vështira. Zoti i bekoftë shqiptarët! Festofshim bashkë, gjithmonë!”, thuhet në urimin e Haradinajt.
