Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i LDK-së, Lutfi Haziri, ka folur lidhur me paralajmërimet për luftë nga zv.kryeministri i Kosovës, Besnik Bislimi, dhe prioritetet e politikës së jashtme të Kosovës. Ai vuri në dukje se edhe pse Kosova nuk është prioriteti i parë për Shtetet e Bashkuara të Amerikës, ajo vazhdon të ketë mbështetjen e pa kursyer, sidomos në lidhje me raportet me Serbinë. Haziri tha se ka një mbështetje të rëndësishme nga BE, në marrëdhëniet Kosovë-Serbi, dhe SHBA-ja është e angazhuar në këtë drejtim, duke e shprehur përmes emisarit të saj, O’Brien. Nëse Serbia zgjedh të luftojë NATO-n përsëri, do të hasë në rezultate të ngjashme me ato të luftës së vitit 1999. Qeveria e Kosovës duhet të ndryshojë qasjen e saj ndaj kësaj situate, duke mos lënë që kryeministri Albin Kurti të shfrytëzojë frikën si mjet politik. Haziri kritikoi Kurtin për mënyrën si ka trajtuar çështjen e frikës tek populli për shkak të dekadave të konfliktit dhe tensioneve në rajon.
