Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Presidenti i Francës, Emmanuel Macron, ka pritur në Pallatin Élize kryeministrin e Shqipërisë, Edi Rama, duke vlerësuar nivelin e bashkëpunimit mes dy vendeve dhe duke riafirmuar mbështetjen franceze për rrugën evropiane të Shqipërisë. Përmes një postimi në rrjetet sociale, Macron publikoi një fotografi nga takimi me Ramën dhe theksoi se dinamika e marrëdhënieve dypalëshe në fusha si inovacioni, arsimi, kultura dhe turizmi pasqyron afërsinë mes Francës dhe Shqipërisë. Presidenti francez u shpreh se të dyja vendet synojnë t’i japin një shtysë të re bashkëpunimit, duke forcuar më tej marrëdhëniet ekonomike dhe partneritetin në fushën e mbrojtjes. Macron ritheksoi gjithashtu mbështetjen e Francës për integrimin evropian të Shqipërisë, duke nënvizuar rëndësinë e vazhdimit të reformave të nevojshme për avancimin e procesit të anëtarësimit në Bashkimin Evropian.
