Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Duke folur mbi zotimin e Qeverisë Kurti për hapjen e urës mbi lumin Ibër, eksperti për Ballkanin në Grupin Ndërkombëtar të Krizave, Marko Prelec ka tërhequr vërejtjen se hapja e kësaj ure pa mbështetjen e perëndimit, mund të nxisë tensione. Ai ka thënë për Zërin e Amerikës se shmangia e tensioneve të reja në Kosovë, mund të ketë qenë një nga temat e diskutimeve të Drejtorit të Agjencisë Qendrore amerikane të Zbulimit (CIA), William Burns, gjatë takimeve me udhëheqësit e Kosovës. Eksperti, Marko Prelec ka shtuar më tutje se vizita e shefit të CIA-as, William Burns synonte të çojë përpara disa interesa amerikane rreth qëndrueshmërisë së rajonit. Ndërsa duke folur për marrëdhëniet e Qeverisë Kurti me shtetet mike të Kosovës, eksperti për Ballkanin në Grupin Ndërkombëtar të Krizave, Marko Prelec ka theksuar për Zërin e Amerikës se është shumë e qartë për një grup të gjerë të vëzhguesve se qeveria e Kosovës tashmë ka dëmtuar marrëdhëniet me aleatët e saj më të rëndësishëm në një shkallë domethënëse.
