Marsela Koçi: Jemi mbledhur për t’i thënë Greqisë se këtu ka shqiptarë, Shqipëria nuk është vetëm Çamëri, por edhe më shumë

Marsela Koçi: Jemi mbledhur për t’i thënë Greqisë se këtu ka shqiptarë, Shqipëria nuk është vetëm Çamëri, por edhe më shumë

Derisa kanë mbajtur një minutë heshtje për të riun, Klodian Rasha, një grup protestuesish shqiptarë para ambasadës së Greqisë në Londër,  deklaruan se protesta  ishte kundër Greqisë, e cila po manipulon me  çështjen shqiptare  dhe për faktin se shteti grek ka vendosur kushte të palejueshme për Shqipërinë, me qëllim që ajo të bëhet  anëtare e BE”.

Kryetarja e kësaj lëvizje, Marsela Koçi ka deklaruar: “Jemi mbledhur këtu si një komitet shqiptar. Si fillim duam të mbajmë një minutë heshtje për Klodian Rashën, i riu që u vra padrejtësisht nga dora e policisë. Kemi arritur në një kohë shumë të vështirë, në një kohë kur llogari duhet tu kërkojmë atyre që i konsiderojmë vëllezërit tanë, jo vetëm atyre që konsiderojmë armiq. Sepse shteti shqiptar që duhet të ishte prezent në çdo takim që bëhet me Greqinë apo me vend të tjera që manipulojnë me çështjen tonë.

Sot këtu jemi sepse Greqia vendos kushte të palejueshme për Shqipërinë për tu bërë anëtare e BE, ndërkohë që ato kushte vetë Greqia nuk i përmban. Kërkon që Shqipëria të njohë minoritetet e huaja në Shqipëri ndërkohë që ajo vetë nuk i ka njohur akoma. E dimë shumë mirë se në Greqi ka shumë shqiptarë që nuk njihen nga grekët, dhe këto i bën vetëm që të mos lejojë bashkimin e Shqipërisë me Europën.

Sot jemi mbledhur për t’i thënë Greqisë se këtu ka shqiptar, Shqipëria nuk është vetëm Çamëri, se sa shumë shqiptarë ka këtu. Jemi kundër ligjit të luftës, shkel çdo të drejtë dhe jemi kundër ndarjes së detit, nuk kemi nevojë t’i japim llogari Greqisë por ajo ne.

Ata minojnë drejtësinë. Shteti shqiptar bashkë me ne duhet të ngrejë zërin por dhe të tjerët në mërgim. Duhet të ngremë zërin ndaj çdo padrejtësie, të shpresojmë që të shkojë në veshin e duhur”, tha ajo. (TCH)

Kontrolloni gjithashtu

Letra e veprimtarit, publicistit dhe çlirimtarit, Ruzhdi Jashari, me rastin e 25-vjetorit të kryerjes së misionit të luftës të Radios-Kosovën e Lirë

Përshëndetje! Pas aktivitetit ditor në Berishë, me rastin e 25 vjetorit te transmetimit të fundit, …