Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sesioni i fundit i legjislaturës së tetë po përballet me krizë kuorumi dhe mungesë produktiviteti, ndërsa përplasjet mes shumicës dhe opozitës kanë ndikuar negativisht në funksionimin e Kuvendit. Sipas Institutit të Kosovës për Drejtësi, deputetët nuk po përmbushin përgjegjësitë kushtetuese të mbikëqyrjes dhe ligj-bërjes, duke dëmtuar rëndë jetën parlamentare. Kritikat e vazhdueshme janë përqendruar te dështimi për të zhvilluar diskutime të plota dhe dialog të mirëfilltë për projektligjet. Besa Luzha, thekson se kalimi i shpejtë i projektligjeve pa debat të mjaftueshëm dhe mungesa e qëndrimeve të qarta të deputetëve për çështje të rëndësishme cenojnë standardet demokratike. Nëse mazhoranca nuk arrin të sigurojë kuorumin e nevojshëm për miratimin e mbi 50 projektligjeve deri në fund të sesionit, këto do të duhet të riaprovohen nga e para, duke e kthyer procesin ligjvënës në pikën zero.
