Mbytjet në komunikacion po marrin përmasa fatale. Vetëm ditën djeshme gjashtë familje kanë humbur me të afërmit e tyre nga aksidentet në rrugë. Fat të ngeshëm kanë pasur edhe dhjetëra familje të tjera, të afërmit e të cilëve gjetën vdekjen në rrugët e Kosovës muajt e fundit. Në Policinë e Kosovës kanë treguar se aksidenti i parë gjatë ditës së enjte ka ndodhur në orët e hershme të mëngjesit në Prishtinë. Kurse, në Kaçanik një i mitur ka humbur jetën pasi është vetaksidentuar. Ndërkaq, në Therandë, nga një aksident mes dy veturave, njëra me targa vendore e tjetra me targa të Francës, kanë humbur jetën dy persona, një femër dhe një mashkull (familjarë), si dhe kanë mbetur të lënduar dy fëmijë. Aksidenti i fundit i fundit fatale ka ndodhur në rrugën Besianë-Prishtinë. Në këtë aksident kanë mbetur dy persona të vdekur dhe tre janë lënduar. Edhe sot që në mëngjes janë raportuar aksidente me pasoja në njerëz.
Edhe pse thuhet se Policia e komunikacionit ka aplikuar masa shumë të rrepta për kundërvajtësit, edhe pse ajo po mburret me numrin e dënimeve e gjobave për ditë, faktet flasin se tragjeditë por marrin përmasa, sepse ligji në Kosovë nuk respektohet, sepse ligjin e nëpërkëmbin vetë ata që janë të obliguar ta ruajnë dhe ta zbatojnë.