Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Më 4 shkurt të vitit 1944 nazistët gjermanët dhe mercenarët e Xhafer Devës vranë e masakruan në Tiranë 84 qytetarë të pafajshëm, në përpjekje për të arrestuar partizanët. Kjo është njëra ndër masakrat më të mëdha gjatë Luftës Nacionalçlirimtare në Shqipëri. Më 4 shkurtit të vitit 1944 në rrugicat e Tiranës u derdhën forcat mercenare të ministrit të brendshëm Xhaferr Deva dhe ekzekutuan dhjetëra qytetarë të pafajshëm. Si shkak për këto reprezalje u përdorën dy atentatet që komunistët zhvilluan një ditë më parë kundër Xhaferr Devës dhe Kadri Cakranit, ku mbetën të vrarë një xhaxha i Devës dhe një nip i Cakranit. Kjo reprezalje i kalon përmasat e një hakmarrjeje personale, sepse nuk u drejtua vetëm kundër organizatorëve të atentatit, por kundër gjithë popullsisë tiranase që mbështeste luftën kundër pushtuesve gjermanë dhe bashkëpunëtorëve të tyre shqiptarë. Pas Borovës kjo është masakra më e madhe që popullsia shqiptare përjetoi gjatë Luftës së Dytë Botërore.
