Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pagat më të larta në Kosovë dhe të ardhurat e ulëta në kategorinë sociale e të pensioneve, shënojnë një dallim shumë të madh, duke marrë parasysh edhe shkallën e lartë të varfërisë në Kosovë e cila është mbi 30 për qind. Sipas statistikave zyrtare Paga më e lartë në vend 5000 euro e drejtorit të Trustit, Adrian Zalli, për të cilin në tri vitet e ardhshme nuk do të vlen Ligji i ri për pagat. Paga e krytarit, Hashim Thaçi, aktualisht është 2672 euro, ndërsa, me vendimin e fundit të Qeverisë, paga aktuale e kryeministrit Ramush Haradinaj është 2950. Koeficient të njëjtë me kryeministrin do të ketë edhe kryetari i Kuvendit të Kosovës, Kadri Veseli dhe kryetari i Gjykatës Kushtetuese. Paga aktuale e një ministri në Qeverinë e Kosovës është 2000 euro pa mëditjet, udhëtimet zyrtare dhe sa e sa benificione. Paga mesatare në sektorin publik sipas të dhënave të fundit nga Agjencia e Statistikave të Kosovës, ka arritur 532 euro, ndërsa, paga mesatare në sektorin e ndërmarrjeve publike është 667 euro. Ndihma sociale më e ulët për një muaj është 60 euro, kurse më e larta 180 euro. Paga minimale në Kosovë është 170 euro.
