Mehmet Bislimi

Mehmet Bislimi: Çuditërisht

(me rastin e përvjetorit të RKL-së, me këtë këngë, sot e mot!)

 

me dashje do thosha diçka

sikur ta gjej atë

që të tjerët nuk e kanë thënë

 

çuditërisht

nuk kishte mbetur as edhe një pëllëmbë vend

rrugën kishin zënë thashethemexhinjtë

mbi atë që nuk shkruhet

e nuk thuhet

 

çuditërisht më kishte shtënë forca

e muzës së parë

që u përmbyll me një zanore dashurie

prapë

të njëjtit njerëz

gjëra të njëjta po thonë

për një botë të tërë keq po flasin

 

çuditërisht

vetëm ti

ke diçka që të tjerëve u mungon

qartësia e gjuhës me të cilën flet

guximi për t’u thënë gjërave

në emër të vet

 

 4 janar 2018

Kontrolloni gjithashtu

Arbana Qeriqi: 7 muaj pa ty, BABI

Shtatë muaj që çdo mëngjes fillon njësoj — hyj në radio, e ndiej sikur TI, …