Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Partisë Demokratike të Kosovës, Memli Krasniqi, ka reaguar pas dështimit të tetë të njëpasnjëshëm për zgjedhjen e kryetarit të Kuvendit, duke kritikuar Lëvizjen Vetëvendosje për qasjen e saj në procesin politik. Krasniqi tha se përpjekjet e vazhdueshme për të imponuar një kandidat pa ndërtuar shumicë parlamentare janë në kundërshtim me frymën demokratike.
“Demokracia funksionon me shumicë, e jo me imponim. Institucionet janë të popullit dhe jo të një partie politike”, theksoi ai, duke shprehur keqardhje për mënyrën si po menaxhohet procesi nga partia fituese. Sipas tij, përpjekjet e Lëvizjes Vetëvendosje për të rizgjedhur Albulena Haxhiun, pavarësisht mungesës së votave të nevojshme, po e zvarrisin dhe komprometojnë procesin e konstituimit të institucioneve. “Ka shkuar koha e udhëheqjes së një partie”, përfundoi Krasniqi.
