Memli Krasniqi ka mirëpritur në parti, Altin Jakup Krasniqin, i cili do të jetë edhe kandidat për deputet në listën e PDK-së

Kryetari i Partisë Demokratike të Kosovës, Memli Krasniqi ka mirëpritur në parti Altin Jakup Krasniqin, i cili do të jetë edhe kandidat për deputet në listën e PDK-së. Memli Krasniqi është shprehur i lumtur që PDK-së po i bashkohet një zë i ri, por që është i rrënjosur thellë në trashëgiminë e shërbimit, sakrificës dhe përkushtimit të palëkundur ndaj vendit. Sipas tij, Altini nuk është thjesht djali i një personaliteti të jashtëzakonshëm si Jakup Krasniqi, përkushtimi i të cilit për Kosovën mbeti i palëkundur si në luftë, ashtu edhe në paqe. Altini përfaqëson premtimin e një gjenerate të re, të gatshme për të çuar përpara vlerat tona të përbashkëta. Ndërkohë, Altin Jakup Krasniqi, ka bërë me dije se për një veprim të tillë e ka marrë edhe pëlqimin e babait, gjatë vizitës në Hagë.

Kontrolloni gjithashtu

Jakup Krasniqi vazhdon qëndrimin në familje, edhe sot nën masa të rrepta sigurie nga EULEX-i

Në ditën e dytë të qëndrimit në Kosovë, ish-zëdhënësi i Ushtrisë Çlirimtare të Kosovës, Jakup …