KEK
Fillimi / Lajmet / Memli Krasniqi: Nuk e kam ofenduar ministren Shvarc, por vetëm e kam quajtur analfabete
Krasniqi

Memli Krasniqi: Nuk e kam ofenduar ministren Shvarc, por vetëm e kam quajtur analfabete

Deputeti i Partisë Demokratike të Kosovës,  Memli Krasniqi, i ka reaguar Mimoza Kusarit,  pasi kjo tha se deputetët e Vetëvendosjes qenkan janë ofenduar nga ai. Ai ka sqaruar se nuk e ka ofenduar ministren,  Shvarc, “por vetëm e ka quajtur analfabete”. “Mimoza Kusari-Lila, kjo zëdhënëse e përjetshme e pushtetit, duke u munduar qe ta heqë vëmendjen prej tentimit të sotëm të grupit të saj për ta heshtur dhunshëm opozitën në Kuvend, e besa edhe për të na sulmuar fizikisht, paska shpifur kundër meje, se kinse e paskam ofenduar atë dhe koleget e saj. Siç ndodh rëndom, të ligët kur s’kanë argumente, shpifin. Përveç nëse Mimoza ofendohet nga fjala “analfabet”. Nëse po, atëherë vërtet e paskam “ofenduar” ministren Shvarc. Sepse, ajo është absolutisht analfabete funksionale në lëmin e diplomacisë, gjë që po e shpërfaq çdo ditë në mënyrën më të turpshme, duke e goditur çdo vlerë të popullit e të shtetit tonë, sikur të ishte ministre e Serbisë, e jo e Kosovës”.

“Ndërsa, Mimozën, edhe pse më dhimbset pak, deri diku e kuptoj. Në Vetëvendosje  ajo është mish i huaj dhe po bën përpjekje titanike që të dëshmojë lojalitet e militantizëm, ani pse ende nuk ia kanë besuar as pozitën e Shefes së Grupit Parlamentar, duke e mbajtur vetëm si “ushtruese të detyrës” tash e gati dy muaj. Andaj, le ta ushtrojë këtë detyrë derisa ta kalojë provimin tek Albin Kurti, por më  mirë bën që të provojë ta ruajë dinjitetin e saj gjatë kësaj rruge”, ka shkruar Krasniqi.

Kontrolloni gjithashtu

Enver Hoxhaj

Enver Hoxhaj: Zgjedhja e kryetarit të ri nuk është përpjekje për ta zëvendësuar liderin e partisë që është në Hagë

Ish-ushtruesi i detyrës së kryetarit të Partisë Demokratike të Kosovës, Enver Hoxhaj ka thënë se ...