Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëvendëskryeministri i parë dhe dhe njëheresh ministri i Punëve të Jashtme, Behxhet Pacolli, i ka bërë thirrje shtetit të Ruandës për rishikimin e njohjes së pavarësisë së Kosovës.Kjo gjë është bërë e ditur nga vetë Ministria e Punëve të Jashtme përmes një njoftimi për media. Përderisa Pacolli, ka uruar përfaqësuesit e Institucioneve dhe popullin e Ruandës në 56-vjetorin e ditës së tyre Kombëtare.
“Përderisa Institucionet dhe populli i Ruandës po shënojnë 56-vjetorin e ditës së tyre Kombëtare dëshiroj t’i përcjellë urimet më të sinqerta për paqe të qëndrueshme, stabilitet afat-gjatë dhe mirëqenie për popullin. Ruanda ka bërë hapa të mëdhenj në zhvillimin e vendit dhe mbetet njëra nga ekonomitë që po rritet më së shpejti në Afrikën Qendrore, me rritje të GDP-së rreth 8 për qind gjatë viteve të kaluara. Të dy popujt tanë kanë përjetuar tmerret më të rënda përgjatë historisë. Andaj, është koha, që në mes dy vendeve dhe popujve tanë të hapën urat e reja të bashkëpunimit dhe thërras përfaqësuesit e shtetit të Ruandës, që të rishqyrtojnë vendimin për njohjen sa më të shpejtë të Republikës së Kosovës”, citohet të ketë thënë kryediplomati kosovar Pacolli
