Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Tregtisë dhe Industrisë, Bajram Hasani, priti në takim përfaqësuesit e CEFTA-s, të kryesuar nga drejtori i Emir Gjikiq, ku u bisedua për çështjet që ndërlidhen me Sekretariatin me theks të veçantë për kryesimin e Kosovës me marrëveshjen e saj ne vitin 2018. Ministri u zotua për mbështetje të stafit të MTI-së dhe Sekretariatit te CEFTA-s, në përgatitjen e takimeve sa më të suksesshme. Ndërsa, drejtori Djikic u zotuar se Sekretariati i kësaj organizate do të ndihmojë Kosovën që të ketë një kryesim sa më të mirë. Po ashtu u tha se kryeministrat e vendeve të rajonit janë zotuar se vendet e tyre do te kontribuojnë për një bashkëpunim sa më të thellë tregtar në mes të gjitha vendeve te CEFTA-s.
Ndërsa, drejtori Emir Gjikiq e informoi ministrin Hasani për përgatitjet që ka bërë Sekretariati i CEFTA-s se bashku me vendet anëtare për t’i përmbushur të gjitha obligimet që dalin nga dokumenti I ashtuquajtur “Plani shumëvjeçar”. Për këtë gjë, ministri Hasani i ofroi mbështetje të plotë dhe siguroi drejtorin Djikic se Ministria e Tregtisë dhe Industrisë dhe Qeveria e Kosovës do të jenë aktivisht të këqyra në proces dhe do të përmbushin me përpikëri çdo obligim që del nga Plani shumëvjeçar. U diskutua rreth rritjes se kontributit vjetor financiar te secilit vend të CEFTAs për shkak te shtimit te aktiviteteve te agjendës rajonale. Në parim, ministri Hasani ka shpreh gatishmërinë e tij për të përkrahur Sekretariatin dhe ofroi garanci për alokimin e mjeteve të cilat parashihen që të jenë kontribut shtesë.
