akp deri me 1 prill
valamobile
mbpzhr 2018
Fillimi / Lajmet / Ministria e Infrastrukturës e gatshme t’i ndihmojë kryeqytetit
Ministria e Infrastrukturës e gatshme t'i ndihmojë kryeqytetit

Ministria e Infrastrukturës e gatshme t’i ndihmojë kryeqytetit

Ministria e Infrastrukturës dhe stafi udhëheqës i saj, në krye me Ministrin Pal Lekaj, vizituan sot Komunën e Prishtinës, duke mbajtur kështu takim me kryetarin e kësaj komune, Shpend Ahmeti. Paraprakisht Ministri Lekaj u njoftua nga kryesuesi i kryeqytetit, për problemet dhe vështirësitë që has Komuna e Prishtinës gjatë përditshmërisë së saj, dhe ndikimin që mund të ketë Ministria e Infrastrukturës, në evitimin e problemeve infrastrukturore. E gatshme për t’i ndihmuar kryeqytetit në planin zhvillimor urban, Ministria e Infrastrukturës do të financojë projekte të cilat kanë rëndësi të veçantë, fillimisht për Prishtinën, e pastaj edhe për gjithë qytetarët të cilët do të kenë kyçje në infrastrukturën rrugore të kryeqytetit. Me një bashkëpunim nikoqirësh dhe përkushtim ndaj punës, për të cilën edhe janë të ngarkuar, Ministria e Infrastrukturës dhe Komuna e Prishtinës do të realizojnë edhe projekte në bashkëfinancim dhe të cilat konsiderohen me dobi reciproke. Megjithëse ky ishte vetëm një takim paralajmërues dhe një lloj mundësie për të hapur rrugë të reja bashkëpunimi mes ministrisë dhe komunës në fjalë, Ministri i Infrastrukturës, Pal Lekaj, qartazi pohoi se Ministria e Infrastrukturës do t’i jap rëndësi të veçantë kryeqytetit, pasi edhe nevojat janë dukshëm më të mëdha.

Kontrolloni gjithashtu

Thaçi thotë se Kosova mbetet e angazhuar në promovimin e gjuhës frënge dhe në ruajtjen e diversitetit kulturor

Thaçi thotë se Kosova mbetet e angazhuar në promovimin e gjuhës frënge dhe në ruajtjen e diversitetit kulturor e gjuhësor

Kryetari i Republikës së Kosovës, Hashim Thaçi përmes njeh postimi ka thënë së edhe shtetasit ...