Ministrja gjermane e Evropës, Anna Lührmann, viziton sot për herë të parë Shqipërinë

Ministrja gjermane e Evropës, Anna Lührmann, viziton sot për herë të parë Shqipërinë

Ministrja gjermane e Evropës, Anna Lührmann, viziton sot për herë të parë Shqipërinë. Në Shqipëri, ministrja e re gjermane do të takohet sot me kryeministrin Edi Rama dhe me zëvendësministren e jashtme, Megi Fino. Veç përfaqësuesve të shoqërisë civile, ministrja do të takohet edhe me Albert Hanin, kryetarin e Byrosë Rajonale të Bashkëpunimit Rinor. Në qendër të bisedimeve do të jetë integrimi i Shqipërisë në rajon, si edhe reformat e brendshme. Sipas një deklarate të Ministrisë së Jashtme gjermane, Lührmanni u shpreh para nisjes për çeljen e negociatave. “Të dyja vendet i kanë plotësuar kushtet, prandaj duhet të fillojnë menjëherë konferencat ndërqeveritare. Ne e mbajmë fjalën. Për vijimin e rrugës drejt BE-së mbetet vendimtare që të vijojnë reformat dhe mirëqeverisja”, citohet në njoftimin e lartëpërmendur të ketë thënë ministrja të dielën në mbrëmje në Berlin. Në Tiranë, ministrja gjermane do të bisedojë edhe për rolin e Shqipërisë si anëtare e Këshillit të Sigurimit të OKB-së.

Kontrolloni gjithashtu

Kryeministri, Edi Rama me Genc Cakajn e Qemal Minxhozin sot në Hagë, kanë vizituar ish kryetarin e Kosovës, Hashim Thaçi

Kryeministri Edi Rama, përshpejton krijimin e Komisionit Parlamentar të Posaçëm për Luftën kundër Dezinformimit

Kryeministri i Shqipërisë, Edi Rama ka theksuar nevojën për një përparim të shpejtë në krijimin …