Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një grup i specialistëve të papunë kanë protestuar sot për mbylljen e konkursit i cili ishte i hapur me 21 mars të këtij viti që kishte për qëllim të punësojë rreth 220 specialistë. Arben Ahmeti, përfaqësues i specialistëve të papunë ndjehet i pakënaqur me anulimin e këtij konkursi dhe ata vendosën të protestojnë në realizimin e kërkesës për punësim në institucionet e Kosovës. “I bëjmë apel Ministrisë së Shëndetësisë, Inspektoratit të Punës dhe Shërbimit Spitalor klinik Universitar të Kosovës që t’i lënë anash mosmarrëveshjet e tyre dhe inatet e tyre politike ta çojnë këtë punë përpara të mos e anulojnë konkursin por të na mundësojnë realizimin e kërkesës tonë të vetme, punësimin tonë në institucionet publike të Kosovës”, tha Ahmeti. Ndëkaq Luljeta Durmishi, kardiologe e cila është që 3 vjet e papunë ndjehet e diskriminuar pasi që nuk ka mundësi të ushtrojë profesionin e saj dhe është kundër anulimit të konkursit. “Gjashtë muajt e fundit Ministria e Shëndetësisë e bëri një kompromis me Kuvendin gjegjësisht u nda buxheti për ne dhe ne filluam me subvencione të punojmë në vendet përkatëse . Pas 6 muajve Ministria shpalli prapë konkurs, mirëpo në atë konkurs nuk janë inkuadruar të gjithë specialistët. Do të thotë ka kolegë që nuk u është shpallur vendi i punës fare”, tha Durmishi.
