MMPH ndau pesëdhjetë mijë euro për riparimin e digës në liqenin e Mirushës

02/09/2016 Institucionet

Sot në Ministrinë e Mjedisit dhe Planifikimit Hapësinor (MMPH), është nënshkruar një memorandum mirëkuptimi mes kësaj ministrie dhe Komunës së Malishevës, përkatësisht mes u.d. i ministrit të MMPH, z.Ferat Shala dhe kryetarit të Komunës së Malishevës, z.Ragip Begaj, për investim në rregullimin e digës së liqenit në Mirushë. Shuma e ndarë nga kjo ministri, është pesëdhjetë mijë euro, ndërsa pjesa tjetër e investimit do të mbulohet nga Komuna e Malishevës.

Këtë përkrahje të kësaj ministrie, e ka konfirmuar kryetari i Komunës së Malishevës, Ragip Begaj, i cili ka njoftuar se sot e kanë nënshkruar këtë marrëveshje me u.d. të ministrit të MMPH, Ferat Shala.

Diga në liqenin në Mirushë, ishte dëmtuar për shkak të dy vërshimeve të mëdha që patën ndodhur në territorin e Komunës së Malishevës, e si pasojë e këtyre vërshimeve, diga kishte pësuar dëmtime të rënda. Riparimi i digës, bëhet me qëllim evitimit të rrezikut të mundshëm të shpërthimit të saj, e që do të kishte pasoja të mëdha për fshatrat poshtë liqenit, si Mirusha, Lumnishta, Turjaka e Bubli.

Komuna e Malishevës, gjatë vërshimeve në janar të këtij viti, kishte pësuar dëme të mëdha, të cilat ishin llogaritur afro një milion euro, por dëmtimi i digës së liqenit, paraqiste rrezik të madh.

Kontrolloni gjithashtu

Nënshkruhet Memorandum i Mirëkuptimit në mes të Komunës së Vitisë dhe organizatës “CNVP”

Sot, kryetari i komunës së Vitisë, Sokol Haliti, ka pritur në takim Xhevat Lushin – …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara