Isa Mustafa

Mustafa thotë se qeverisja e tij ia ka hapur dyert Kosovës në botë

Kryeministri i Kosovës në detyrë, Isa Mustafa, ka thënë se qeverisja e tij ia ka hapur dyert Kosovës në botë pas shumë vitesh. Ai ka përmendur çmimin si “Qeveria më e mirë në Evropën Juglindore” duke shtuar se kandidati i LDK-së për kryeministër, Avdullah Hoti, nëse fiton zgjedhjet e ardhshme do të vazhdojë me fuqizimin e imazhit të Kosovës në botë. “Ia hapëm dyert Kosovës në botë, pas shumë vitesh. Na mirëpritën në SHBA, në Gjermani, në Mbretërinë e Bashkuar, në Francë, në vendet tjera të BE-së dhe më gjerë. Morëm vlerësimet më të larta nga Fondi Monetar Ndërkombëtar dhe Banka Botërore. Morëm Çmim si “Qeveria më e mirë në Evropën Juglindore” në Forumin Botëror të Investitorëve. Koalicioni LDK, AKR, Alternativa… me kryeministër Avdullah Hotin, garanton fuqizimin e mëtejmë të imazhit të Kosovës në botë dhe orientimin euroatlantik të shtetit tonë,  ka shkruar Mustafa në rrjetin social.

 

Kontrolloni gjithashtu

Albin Kurti: Vetëvendosja ka garuar në zgjedhjet e fundit me platformën për punësim dhe drejtësi, jo për rritje pagash

Kryeministri, Albin Kurti, ka thënë sot para deputetëve, në Kuvend,   se pakoja për përballje me …