Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i Organizatës së Veteranëve të UÇK-së, Nasim Haradinaj ka thënë se kjo organizatë ka mbrojtur ushtarët duke njoftuar Prokurorinë për fryrje të listave. Ai ka thënë se së është shumë e pamoralshme të akuzohet OVL-UÇK për mos mbrojtje të ushtarëve. Nënkryetari i Organizatës së Veteranëve të UÇK-së, thotë se kanë shpresuar që pasi ka marrë në dorë rastin Prokuroria, procesi i verifikimit dhe aplikimit do të përfundojë. “Nëse ka fajtorë për këtë çështje, është Prokuroria që nuk i shpejton rastet”, ka thënë më tej Haradinaj dhe ka shtuar se OVL UÇK nuk është pyetur për çështjen e veteranëve. “Ne nuk kemi as qasje monitoruese, bile jemi të përjashtuar nga procesi”, shtoi Haradinaj. Ish-komandanti i UÇK-së ka thënë se personalisht ka nënshkruar aplikacione të ushtarëve, por thotë se të gjitha nënshkrimet i ka bërë për luftëtarët që i ka njohur.
