Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Aleanca Veriatlantike është e gatshme të ndërhyjë ushtarakisht në vendet e Ballkanit Perëndimor, nëse paraqitet nevoja për të penguar konfliktet ndëretnike e për të promovuar siguri e stabilitet, ka shkruar gazeta “Veçer” e Zagrebit. Ky dokument është miratuar në nivelin e ministrave të Punëve të Jashtme e në të detajisht përshkruhen dy lloje kërcënimesh me të cilat ballafaqohen shtetet e Ballkanit Perëndimor – sjellja destabilzuese e Rusisë dhe ekstremizmi në rritje e radikalizimi. Në pjesën ku flitet për rreziqet, theksohet se rrezik është qasja e Rusisë ndaj popullatës serbe në rajon. Mesazhet ruse jehonën më të madhe e kanë në te serbët, thuhet në dokumentin sekret. NATO po studion shtimin e aktiviteteve ruse në Ballkanin Perëndimor që përfshijnë sjelljet destabilzuese. Fjala është për kombinimin e mesazheve, ndërtimin e lidhjeve me përfaqësuesit e elitave, investimet në energjetikë dhe në sektorin e medieve. Rusia ofron ndihmë politike e ekonomike për etnitetin serb në Bosnjë e Hercegovinë për të penguar rrugën evropiane të këtij shteti , theksohet në dokument.
