Në 20-vjetorin e rënies së tyre, Komuna e Skenderajt nderon dëshmorët e kombit Beqir Meha e Ajet Beqiri

25/03/2019 Institucionet

Kryetari i Komunës së Skenderajt, Bekim Jashari, nënkryetari Nuredin Lushtaku, drejtorët komunalë, familjarë, përfaqësues të Shoqatave të Luftës së Ushtrisë Çlirimtare të Kosovës dhe qytetarë të tjerë, kanë nderuar me një minutë heshtje dhe kanë vendos lule të freskëta para varreve të dëshmorëve të kombit Beqir Meha, njëherësh bashkëluftëtar i komandantit legjendar Adem Jashari, si dhe Ajet Beqiri, në Kompleksin e Dëshmorëve në Marinë, në 20 vjetorin e rënies së tyre në altarin e lirisë. Kryetari Jashari ka deklaruar pas homazheve se duhet nderuar çdo herë secilin dëshmorë e martirë, pasi ata sakrifikuan më të shtrenjtën e tyre – jetën, që ne ta gëzojmë sot lirinë dhe pavarësinë e Kosovës. “Sivjet është vit jubilar i përkujtimit dhe homazheve, dhe me respekt të vecantë nderojmë dëshmorët e kombit, ndaj të cilëve kemi borxh për ta zhvilluar Kosovën, gjithashtu të jemi të bashkuar siç ishim në luftë”, është shprehur ndër tjera kryetari i Komunës së Skenderajt, Bekim Jashari.

Kontrolloni gjithashtu

Kryetari Haliti i nderon me mirënjohje të pensionuarit Agush Hasani dhe Samet Zuka

Kryetari i komunës së Vitisë, Sokol Haliti, së bashku me drejtoreshën e Arsimit në Viti, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara