Në Gjykatën Speciale në Hagë, po vazhdon të merret në pyetje dëshmitari i 54 i Zyrës së Prokurorit, në rastin e paragjykuar penal kundër kreut të luftës së UÇK-së Hashim Thaçi, Kadri Veseli, Rexhep Selimi dhe Jakup Krasniqi. Ky, është si zakonisht dëshmitar i mbrojtur në këtë rast gjyqësor, ndërsa dëshmia e tij është duke u dëgjuar në seancë të mbyllur për publikun. Sipas kryetarit të trupit gjykues, arsyeja e mbylljes së seancës ndërlidhet me mbrojtjen e dëshmitarit. Sot para fillimit të seancës, trupi gjykues, pranoi në prova materiale disa deklarata të dëshmitarëve përmes audio-incizimeve. Sipas tij, pasi është konstatuar se deklaratat janë të pranueshme, ata i kanë pranuar në prova materiale dhe kanë kërkuar nga Zyra Administrative që të iu caktojë audio-incizimeve numrin përkatës. Sipas kryetarit të trupit gjykues, ndryshe nga herët e tjera, në këtë seancë gjyqësore janë të pranishëm fizikisht të gjithë të pandehurit.
Kontrolloni gjithashtu
AAK-ja ka festuar 24-vjetorin e themelimit në një takim me strukturat e të gjitha niveleve të organizimit dhe me simpatizantë
Aleanca për Ardhmërinë e Kosovës ka festuar 24-vjetorin e themelimit, me një takim të organizuar …