leoni

Në komunën e Ferizajt mbi 1 milion euro barten  nga vitit 2023 në vitin 2024

30/04/2024 Institucionet

Kryesuesi i Kuvendit të Komunës së Ferizajt, Xhavit Zariqi,  bashkë me drejtorët e drejtorive komunale, kanë mbajtur mbledhjen e  katërt të rregullt të Kuvendit të Komunës. Në këtë mbledhje është diskutuar propozim-vendimi për themelimin e forumit të panelit për transparence komunale për kuvendin e komunës së Ferizajt, panel ky që do të përbëhet nga anëtarët e KK-së. Në këtë forum u vendos që këta të jenë anëtarët: Arbnora Salihu nga PDK-ja, Adnan Selmani nga VV, Besim Haziri nga LDK-ja si dhe Zekir Bytyqi nga AAK-ja. Ndërkaq drejtori i Drejtorisë së Shëndetësisë dhe Mirëqenies Sociale, Dr. Kemajl Emini, ka bërë propozim-vendimin për daljen në konsultim publik të draft statutit të Qendrës kryesore të Mjekësisë Familjare në Ferizaj. E nga ana tjetër drejtorja e Financave, Sebahate Ajeti-Sadiku, ka paraqitur raportin financiar për periudhën janar-mars të këtij viti, si dhe ka bërë propozim-vendimin për bartjen e mbi 1 milion euro nga vitit 2023 në vitin 2024. Sipas drejtores Ajeti-Sadiku, bartja e këtyre mjeteve bëhet në bazë të ligjit, por edhe tejkalimit të planifikimeve që kanë qenë në vitin e kaluar. Ajo tha se bartja e mjeteve do të ndahet në kategorinë e shpenzimeve kapitale, subvencione si dhe investime kapitale. Në këtë mbledhje është diskutuar edhe për procesin e zgjedhjeve për kryetarët e fshatrave dhe bashkësive lokale si dhe gjendja me mbeturina në Komunën e Ferizajt.

Kontrolloni gjithashtu

Shqiponja (Jabllanica) e Dushkajës festoi 25-vjetorin e çlirimit dhe nderoi veprën atdhetare të të rënëve në luftën për liri

Shqiponja (Jabllanica) e Dushkajës – kjo fole e atdhetadashurisë dhe dëshmi e qëndresës së pamposhtur …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara