Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me rastin e Festave të Nëntorit të Madh, më 28 Nëntor 2021, në Teatrin mbretëror në Namur të Belgjikës, nën organizimin e Shoqatës shqiptare “Nënë Tereza” të këtij qyteti, me z.Adnan Rexhepi – Kryetar dhe, z.Arian Bajraktari – veprimtar i palodhshëm i çështjes kombëtare nga Malësia e Madhe, në nderim të Ditës së Flamurit dhe Pavarësisë së Shqipërisë dhe në nderim të Ditëlindjes së Komandantit legjendar Adem Jashari, u organizua një Konferencë shkencore ndërkombëtare me titull: “Adem Jashari Simbol i rezistencës frymëzues i lirisë”, dhe një manifestim kulturoro – artistik me këngë e valle të bukura shqipe. Amfiteatri i këtij Teatri të bukur ishte i vogël për t’i zënë të gjithë të interesuarit që kishin ardhur nga shumë qendra evropiane e botërore, madje edhe nga Amerika e largët.
