Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në New York, në restorantin ‘Arka’, është organizuar një darkë, me qëllim të mbledhjes së fondeve për Hashim Thaçin. Të ardhurat dhe fondet e mbledhura do të shkojnë për procesin gjyqësor të Hashim Thaçit. Shpenzimet e tij dhe politikanëve të tjerë, që ndodhen në Hagë, sipas ligjit duhet t’i paguante Shteti i Kosovës. Por për shkak të buxhetit të limituar qeveria e Kosovës nuk i siguron dot të ardhurat financiare që duhen për proceset gjyqësore. Në këtë takim ishin pjesëmarrës nga Shqipëria, Kosova dhe diaspora. Sipas burimeve, i pranishëm në darkën e mbledhjeve të fondeve i pranishëm ishte edhe kryeministri Edi Rama, si njëri nga iniciatorët. Hashim Thaçi dhe të pandehurit e tjerë, Kadri Veseli, Jakup Krasniqi dhe Rexhep Selimi, të gjithë ish-udhëheqës të UÇK-së të kthyer në politikanë, akuzohen se mbajnë përgjegjësi individuale dhe komanduese për krime që u kryen kryesisht kundër të burgosurve të mbajtur në burgjet e UÇK-së në Kosovë dhe Shqipërinë fqinje. Të pandehurit, të cilët të gjithë janë vetëdeklaruar të pafajshëm, dyshohet se i kryen krimet midis të paktën marsit 1998 dhe shtatorit 1999, gjatë dhe menjëherë pas luftës kundër forcave serbe.
