Në Skenderaj u hap “Panairi i produkteve bujqësore dhe artizanateve Skenderaj 2016”

20/09/2016 Institucionet

Është hapur në Skenderaj “Panairi i produkteve bujqësore dhe artizananateve Skenderaj 2016”, aktivitet ky tashmë tradicional i organizuar nga Shoqata e grave  “Okarina e Runikut”, përkrahur nga Ministria e Bujqësisë, Pylltarisë dhe Zhvillimit Rural dhe Komuna e Skenderajt.

Panairi, ka mbledhur gra fermere nga regjioni i Mitrovicës si dhe gra ndërmarrëse që merren me prodhime artizanale. Në këtë aktivitet promovues, gratë fermere do t’i ekspozojnë për dy ditë rresht  produktet e tyre në të dy fushat e veprimtarisë.

Në hapje të këtij panairi zëdhënësi i Komunës së Skenderajt Hajriz Koci në emër të Komunës së Skenderajt ka shprehur përkushtimin e institucioneve lokale për përkrahje të fermerëve në fushën e prodhimit të pemëve. Ai më këtë rast përmendi dy fushat ku Komuna e Skenderajt po përkrah fermerët, në atë të subvencionimit të kultivimit të mjedrës dhe fushën e këshillimit profesional për kultivuesit e pemëve në përgjithësi.

Ndërsa Sabit Ferizi zyrtar në Drejtorinë e Bujqësisë foli për rëndësinë që ka përkrahja në ngritjen e kapaciteteve të fermerëve në kultivimin e prodhimeve bujqësore, pa harruar edhe rëndësinë që ka puna që po bëjnë gratë fermere në kultivim të produkteve bujqësore dhe në artizanate.

Ndërsa Fetije Smakaj udhëheqëse e Shoqatës “Okarina e Runikut” e falënderoi Ministrinë e Bujqësisë dhe Komunën e Skenderajt për përkrahjen e aktiviteteve promovuese për gratë fermere. Sipas saj panairet si ky i sotmi kanë shumë rëndësi pasi mundësojnë prezantimin e punës së këtyre grave të vyeshme.

Në dy vitet e fundit Komuna e Skenderajt ka subvencionuar fermerët në mbjelljen dhe kultivimin e mjedrës. Falë punës dhe përkushtimit të fermerëve, tashmë produktet e tyre me cilësi shumë të lartë janë plasura në treg. Disa prej grave fermere përfituese të këtyre subvencioneve, produktet e mjedrës i kanë ekspozuar me shumë sukses edhe në panairin e sivjetmë.

Kontrolloni gjithashtu

Komuna e Deçanit po merr pjesë në Panairin e Turizmit dhe Sportit 2024 në Prishtinë

Komuna e Deçanit po merr pjesë në Panairin e Turizmit dhe Sportit 2024 në Prishtinë, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara