Mehdi Krasniqi

Mehdi Krasniqi: KURRË NUK DO T’I VOTOJ TË TILLËT

Kurrë nuk do t’i votoj ata që kanë lënduar të tjerët.
Kurrë nuk do t’i votoj ata që kanë hequr njerëz nga puna.
Kurrë nuk do t’i votoj ata që kanë përshtatur konkurse për militantë politikë.
Kurrë nuk do t’i votoj ata që kanë punësuar njerëz pa konkurse në dëm të të tjerëve dhe në shenjë të hakmarrjes për mendim ndryshe a bindje politike.
Kurrë nuk do t’i votoj ata që kanë krijuar raste sociale me qëllim të ndikimit politik dhe të pasurit nën kontroll.
Kurrë nuk do t’i votoj ata që kanë krijuar raste sociale me diploma universitare.
Kurrë nuk do t’i votoj ata që kanë asfaltuar rrugë e rrugica që çojnë në shtëpi të militantëve e gërvallqave politikë.
Kurrë nuk do t’i votoj ata që kanë krijuar vende pune fallco vetëm për të punësuar fëmijë, a familjarë të ngushtë të funksionarëve politikë.
Kurrë nuk do t’i votoj ata që kanë shantazhuar njerëz dhe i kanë detyruar të poshtërohen deri dhe të shkelin nderin për një vend pune, a për një copë bukë.
Kurrë nuk do t’i votoj ata që kanë privatizuar, pastaj shitur e stërshitur prona të njerëzve me qëllim të pasurimit të vetes dhe varfërimit të tjerëve.
Kurrë nuk do t’i votoj ata që kanë shkatërruar sistemin e arsimit.
Kurrë nuk do t’i votoj ata që kanë shkatërruar sistemin e shëndetësisë. As ata që kanë përdorur pandeminë për qëllime plotike.
Kurrë nuk do t’i votoj ata që kanë përdorur asetet e shtetit për qëllime personale e politike.
Kurrë nuk do t’i votoj ata që ia kanë rritur rrogën vetes dhe militantëve të partisë.
Kurrë nuk do t’i votoj ata që individin e trajtojnë si votë.
Kurrë nuk do t’i votoj ata që përpiqen të të blejnë me një mbushje telefonike a me 10 litra derivate të naftës.
Kurrë nuk do t’i votoj ata që përpiqen të të blejnë me dreka e darka.
Kurrë nuk do t’i votoj ata që shpalosin programe armiqësore dhe jo programe te zhvillimit ekonomik dhe tjetër.
Kurrë nuk do t’i votoj ata që nuk respektojnë barazinë gjinore dhe rininë në vendimmarrje.
Kurrë nuk do t’i votoj ata që tenderin e shohin si pasuri për vete dhe jo si zhvillim për shtetin.
Unë nuk bindem nga asnjeri, ndonëse me sëcilin mund të rri…
Unë dua që fëmijët e mi dhe fëmijët e gjithsecilit prej nesh të jetojnë këtu dhe ta kenë të sigurar punën dhe mirëqenien sociale.
Kosova nuk është e asnjë politikani a fëmije të tij.

Kosova është e gjithsecilit prej nesh…

Kontrolloni gjithashtu

Deklaratat e fundit të përfaqësuesve qeveritarë se “nuk mjafton një vit për ndryshimet kushtetuese” janë dëshmi e mungesës së vullnetit politik dhe e dështimit të kësaj qeverie për ta çuar vendin drejt integrimit europian dhe për të respektuar vetë Marrëveshjen e Ohrit. Prej ditës së parë të mandatit, përveç bllokimit të perspektivës evropiane, kjo qeveri dhe partnerët e saj kanë sulmuar themelet e barazisë dhe të Marrëveshjes së Ohrit: • kanë shfuqizuar balancuesin, duke cenuar përfaqësimin e drejtë të shqiptarëve dhe komuniteteve tjera; • kanë zhvlerësuar Marrëveshjen e Ohrit duke ia dorëzuar implementimin figurave me bindje antishqiptare dhe antiperëndimore, si Ivan Stoillkoviç; • kanë fshirë diasporën nga përfaqësimi politik dhe kanë zvogëluar shqiptarët në përllogaritjet zyrtare; • nuk respektojnë përdorimin zyrtar të gjuhës shqipe dhe kanë zhvlerësuar Inspektoratin e gjuhëve dhe Agjencinë e gjuhëve. Sot, përveç dështimit me ndryshimet kushtetuese, kjo qeveri hap fronte të reja kundër mekanizmave të barazisë si shumica e Badenterit, një nga shtyllat më të forta kushtetuese që garanton stabilitetin ndëretnik, barazinë reale në vend dhe mbron nga majorizimi. Çdo tentativë për ta relativizuar ose rishikuar Badenterin është tentativë për ta kthyer shtetin pas në përjashtim dhe diskriminim. Jemi dëshmitarë se gjithnjë e më shumë po zënë vend ide të rrezikshme, që përfaqësojnë ata që besojnë se shtetet multietnike nuk funksionojnë dhe se duhet ndërtuar shtete etnike. Kjo qasje manifestohet në dy drejtime: përmes goditjeve të Marrëveshjes së Ohrit, që rrënojnë barazinë e brendshme, dhe përmes bllokimit të rrugës europiane, që e izolon vendin dhe e kthen mbrapa. Bashkimi Demokratik për Integrim mbetet forca politike që ka mbrojtur dhe do të mbrojë Marrëveshjen e Ohrit, kursin euroatlantik të vendit dhe dinjitetin e qytetarëve. Shqiptarët nuk do të lejojnë kthimin e shtetit në padrejtësi dhe përjashtim. Tetori është afër dhe populli do të flasë fuqishëm. Ora e përgjegjësisë politike dhe juridike po afron. Marrëveshja e Ohrit nuk cenohet, barazia nuk negociohet.

BDI: Jo vetëm sistemi bankar, por edhe insulina i jepet në duar botës serbe

Pas Alta Bankës dhe hyrjes së kapitalit serb në telekomunikacion, sot zbulojmë një tjetër çështje …