Nënkryetari Fadil Nura ka ndarë mirënjohje për shoqatën humanitare Diaspora

09/05/2017 Institucionet

Nënkryetari i Komunës së Skenderajt Fadil Nura ka takuar përfaqësuesit e shoqatës humanitare Diaspora. Nura i ka falënderuar aktivistët e shoqatës për ndihmën që i kanë dhënë Alban Beqirit për shërim.

“Në emër të familjes Beqiri dhe qytetarëve të Skenderajt e falënderoi shoqatën humanitare Diaspora dhe të gjithë donatorët humanë për ndihmën e dhënë në shërimin e Albanit. Aksioni dëshmoi se njerëzit bamirës nga diaspora janë të gatshëm për të kontribuar në shërimin e një të riu”, tha z.Nura.

Ai i informoi mysafirët se edhe Komuna e Skenderaj ka ndarë një fond prej 5 mijë eurosh në ndihmë Albanit. Kadri Dogani, përfaqësues i shoqatës Diaspora e falënderoi z. Nura për pritjen dhe e informoi me punën që është bërë në grumbullimin e parave për ta ndihmuar Albanin. Në fund të takimit nënkryetari Fadil Nura ndau mirënjohje për shoqatë Diaspora në shenjë falënderimi për ndihmën në shërimin e Alban Beqirit i cili vuan nga leukemia akute dhe po trajtohet në Turqi.

Kontrolloni gjithashtu

Komuna e Skenderajt njofton se të hënën me 12 janar fillon gjysmëvjetori i dytë i vitit shkollor

Komuna e Skënderajt ka njoftuar nxënësit, mësimdhënësit dhe prindërit nga kjo komunë se nesër ( …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2026, Të gjitha të drejtat e rezervuara