Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në tri komunat e Kosovës Lindore ende të mbetura nën Serbi, Preshevë, Bujanoc e Medvegjë, nesër mbahen zgjedhjet e Këshillit Nacional të Shqiptarëve në Serbi, i cili merret ekskluzivisht me çështjet e shqiptarëve atje, me qëllim të avancimit të të drejtave në fushën e arsimit, kulturës dhe përdorimit të simboleve kombëtare. Kohëve të fundit të drejtat e shqiptarëve në këto tri komuna janë përkeqësuar dhe se ata që marrin mandatin për udhëheqjen e Këshillit duhet të jenë unikë dhe t’i përparojnë të drejtat e tyre nacionale. Janë gjashtë shqiptarë nga parti të ndryshme të cilët pretendojnë të udhëheqin me Këshillin Nacional Shqiptar në Serbi. Fushata parazgjedhore e tyre ka përfunduar dhe zgjedhjet mbahen nesër më 4 nëntor. Këshilli është një institucion i themeluar në vitin 2010 për të mbrojtur dhe avancuar të drejtat e shqiptarëve në fushën e arsimit, kulturës, informimit, përdorimit të simboleve kombëtare dhe përdorimit te shkrimit e gjuhës shqipe.
