Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nën patronatin e kryetarit të Republikës së Kosovës z.Hashim Thaqi shënohet 20 vjetori i Operacionit “Shigjeta DO – 2” dhe luftimeve në Pashtrik. Aktivitet fillojnë me 25 maj 2019 me vizitën e veteranëve të Operacionit “Shigjeta-DO-2” në Krumë të Shqipërisë me qëllim të falënderimit për kontributin që Republika e Shqipërisë, me konkretisht Kukësi me rrethinë ka dhënë në luftimet në këtë operacion. Nisja bëhet në orën 9:00 me autobus nga parkingu tek Pallati i Rinisë në Prishtinë. Me 26 maj 2019 në orën 11:00 veteranët e Operacionit “Shigjeta-DO-2” bëjnë homazhe në Kompleksin Memorial “Adem Jashari” në Prekaz. Me 27 maj 2019 në orën 10:30 veteranët e Operacionit “Shigjeta-DO-2” bëjnë homazhe tek vendi i rënies së dëshmorëve në Pashtrik. Nisja e veteranëve bëhet nga fshati Plane i Hasit në orën 9:00, kurse në orën 12:00 po aty mbahet manifestimi qendror. Ndërsa me 28 maj 2019 në orën 17:00 mbahet Akademi përkujtimore në Sallën e Kuqe të Pallatit të Rinisë në Prishtinë.
