Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nga dy sulme të koordinuara vetëvrasëse në Kabul janë vrarë së paku 29 persona, përfshirë tre korrespondentë të “Radios Evropa e Lirë” dhe së paku pesë gazetarë të tjerë. Policia ka bërë me dije se së paku 45 veta janë plagosur dhe paralajmëroi se numri i viktimave mund të rritet. Përgjegjësinë për sulmet e mori grupi militant Shtetit Islamik. Zyrtarë të Ministrisë së Shëndetësisë, kanë thënë se njëri sulmues vetëvrasës ka hedhur veten në erë në lagjen Shash Darak, pranë ndërtesave të shërbimeve të inteligjencës. Sulmi i dytë ka ndodhur 20 minuta më vonë, kur një sulmues vetëvrasës, duke pretenduar se është gazetar, ka hedhur veten në erë jashtë Ministrisë për Zhvillim Urban, ku kanë qenë të mbledhur gazetarë. Gazetarët e “Radios Evropa e Lirë” janë në mesin e shtatë pjesëtarëve të medieve të vrarë në sulmin e dytë.
