Nishani diskuton me kongresmenë amerikanë për situatën politike

Nishani diskuton me kongresmenë amerikanë për situatën politike

Kryetari i Shqipërisë Bujar Nishani zhvilloi të mërkurën një takim pune me një delegacion anëtarësh të Kongresit të Shteteve të Bashkuara të Amerikës, të kryesuar nga Bob Goodlatte. Kryetari Nishani dhe kongresmenët amerikanë diskutuan dhe ndanë mendime e pikëpamje mbi çështje të ndryshme si: situata politike në Shqipëri, zgjedhjet e ardhshme parlamentare, ecuria e reformës në drejtësi, rëndësia e shtetit ligjor, shqetësimi për dukurinë e kanabisit dhe trafikut të drogës, krimit të organizuar si dhe rreth buxhetit financiar për shpenzime ushtarake dhe mbrojtjen, duke pasur parasysh që Shqipëria është vend anëtar i NATO-s dhe aleat besnik e i ngushtë i SHBA-së. Në takim u vlerësua edhe roli institucional e përkushtimi i Kryetarit Nishani në ndërmjetësimin e dialogut mes palëve politike në vend.

Kontrolloni gjithashtu

Ramush Haradinaj reagoi kundër deklaratës së Donika Gërvallës duke nënvizuar se Serbia e Hajrie Spikerica na quanin, ‘ashtuquajtura UÇK’

Ramush Haradinaj ka reaguar kundër deklaratës së Donika Gërvallës, duke thënë se referenca “të ashtuquajtur” …