Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një vit më parë më 6 shtator 2017 ka ndërruar jetë në moshën 70-vjeçare, profesor doktor, Muhamet Tërnava, historian, i burgosur politik i viteve 80, profesor i anatemuar në kohën e regjimit jugosllav.
Prof. Dr. Muhamet Tërnava, me punën dhe njohuritë e thella prej shkencëtari arriti t’i thyejë tezat e akademikëve serbë rreth përkatësisë së popullsisë së Kosovës gjatë periudhës mesjetare. Vepra shkencore e Profesor Tërnavës, “Popullsia e Kosovës gjatë shekujve XIV-XVI”, shkruan në vitet 70 por e botuar në Prishtinë, në vitin 1996, mbetet bazament i fortë i argumentimit të vazhdimësisë së popullimit të territorit të Kosovës me popullsi shqiptare gjatë gjithë periudhës mesjetare. Për shkak të argumenteve dhe mbrojtjes së tezave në ketë vepër, regjimi serb e burgosi e maltretoi dhe e dënoi me burg.
Profesor Tërnava i takon gjeneratës së historianëve të Kosovës, të cilët punuan dhe vepruan në kushte të jashtëzakonshme. Ligjëroi historinë e Mesjetës në Fakultetin Filozofik të Universitetit të Prishtinës me dekada, derisa u burgos dhe u dënua për shkak të angazhimit në veprimtarinë patriotike. Për pasojë regjimi e largoi nga puna. Ndërkohë pati edhe probleme shëndetësore.
Me rastin e vdekjes së tij, një vit më parë, asnjëri nga krerët e Shtetit nuk u kujtua për t’ dërguar as edhe një telegram ngushëllimi familjes së tij, sepse tre krerët, Thaçi Haradinaj dhe Veseli ishin të ftuar nga gazetari kontrovers, nipi i Esat Toptanit, Blendi Fevziu për ta marrë pjesë në një përurim të 20 vjetorit të fillimit të punës së tij në gazetari. Nuk e përkujtuan as edhe kolegët e historianë, të cilët ia kishin ndaluar edhe punën pas daljes nga burgu dhe e kishin trajtuar si armik të rrezikshëm të bashkim vëllazërimit dhe Jugosllavisë së Titos….
