Mjekët këshillojnë qytetarët që të kenë kujdes të shtuar sepse temperatura sot do të jetë lartë

NOAA: Korriku i vitit 2021 ishte muaji më i nxehtë i regjistruar ndonjëherë

Agjencia federale amerikane që merret me oqeanet dhe klimën ka njoftuar se korriku i këtij viti ishte muaji më i nxehtë i regjistruar ndonjëherë. Ndërkohë, ekspertët kanë njoftuar se është shqetësues fakti se temperatura po vazhdon të rritet nga viti në vit dhe kjo rritje e pandërprerë do të ketë pasoja serioze për token dhe jetën në të. Administratori i Administrata Kombëtare Oqeanike dhe Atmosferike ( NOAA-s ) Rick Spinrad, ka deklaruar se korriku është zakonisht muaji më i ngrohtë në botë i vitit, por korriku i vitit 2021 e tejkaloi veten si korriku dhe muaji më i nxehtë i regjistruar ndonjëherë. Temperaturat e kombinuara të sipërfaqes dhe ujit ishin për 0,93 gradë Celsius mbi mesataret e shekullit të 20-të për korrikun, dhe ishte më e nxehta e matur që kur filluan regjistrimet 142 vjet më parë. Temperatura ishte gjithashtu për 0,01 gradë Celsius më e nxehtë se rekordi i mëparshëm i vendosur në korrik 2016. Ditë më parë, edhe Organizata e Kombeve të Bashkuara paralajmëroi se Toka po kalon një ndryshim të pakthyeshëm dhe të paparë nga ngrohja globale, me efekte që prekin çdo cep të planetit. Sekretari i Përgjithshëm i OKB-së, Antonio Guterres, e quajti raportin e Panelit Ndërqeveritar të OKB-së për Ndryshimet Klimatike “një kod të kuq për njerëzimin”, duke kërkuar “përpjekje të përshpejtuara”. Ai theksoi në mes tjerash se kambanat e alarmit janë shurdhuese dhe provat janë të pakundërshtueshme: emetimet e gazrave që shkaktojnë efektin serrë nga djegia e lëndëve djegëse fosile, si dhe shpyllëzimi, po mbytin planetin tonë dhe po vënë miliarda njerëz në rrezik të menjëhershëm.

 

Kontrolloni gjithashtu

Ministrat aktualë të Vetëvendosjes në Qeverinë Kurti do të mbesin pa poste e jashtë Kuvendit, meqë nuk janë deputetë

Qeveria Kurti ka rikonfirmuar edhe sot se nuk do të ketë paga të muajit shtator për mësimdhënësit grevistë

Zëdhënësi i Qeverisë, Përparim Kryeziu, ka deklaruar se  do të respektohet parimi “Pagë për punë”, …