Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Oda e Afarizmit të Kosovës edhe njëherë kërkon nga guvernatori dhe Banka Qendrore që të ulë tarifat e mirëmbajtjes së llogarive nga bankat komerciale, të heq kamatën prej 5% për para të imta, të bëjë unifikimin e POS-ave dhe të ulë tarifat e pagesave nga VISA dhe MASTERCARD, të cilat janë deri në 1000% më shumë se rajoni. Sipas një komunikate të OAK, këto kërkesa po përsëriten duke e marrë parasysh se jemi në fundvit dhe Oda ka pas dy takime gjatë këtij viti me guvernatorin dhe dhjetëra takime me bizneset në lidhje me këto probleme. Oda e Afarizmit të Kosovës ka ftuar edhe njëherë Bankën Qendrore të Kosovës që t’i marrë parasysh këto vërejtje, t’i dal në ndihmë biznesit dhe qytetarëve që do të ndikoj në rritjen e pagesave, rritjen e biznesit dhe zvogëlimin e informalitetit në vend. Po ashtu, OAK fton bizneset të adresojnë problemet tek ky insitucion ose në divizionin e ankesave në BQK.
