Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizatat jo-qeveritare, që për shumë kohë kanë qenë jashtë radarit të ligjit, tani po kërkojnë që shtetit t’i hiqet e drejta e pezullimit të këtyre organizatave. Një raport i të ashtuquajturit Fondacion Kosovar për Shoqëri Civile, ka shpalosur gjetjet e tij në fushën e organizatave jo-qeveritare. Aty është dhënë rekomandimi që të hiqen dispozitat kufizuese për OJQ-të. Taulant Hoxha, drejtor i programit në Fondin Kosovar për Shoqëri Civile (KCFS), duke komentuar ligjin për OJQ-të, ka kërkuar që të hiqet udhëzimi administrativ i lëshuar në vitin 2014, i cili lejon Departamentin për OJQ që t’i suspendojë këto organizata. Përndryshe, Kosova prej përfundimit të luftës është bërë shesh-veprim për qindra organizata jo-qeveritare, fondet e të cilave asnjëherë nuk janë verifikuar. Duke përfituar nga kjo gjendje anarkike, këto OJQ, prej atyre nga Brukseli e deri te ato nga Arabia Saudite, kanë shtyrë përpara agjenda të caktuara si dhe kanë pasuruar një numër individësh që maskohen si ‘shoqëri civile’.
