Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
OVL e UÇK-së ende nuk ka bërë të ditur qëndrimin për pjesëmarrje në aktivitetet e Qeverisë lidhur me manifestimin tradicional: Epopeja e Ushtrisë Çlirimtare të Kosovës. Pavarësisht kësaj veteranët, invalidët liridashësit e Kosovës, ashtu si çdo vit deri tani do të manifestojnë si gjithnjë me vizita në Kompleksin Memorial, “Adem Jashari” në Prekaz, si dhe në vizita e homazhe te lapidarët, shtatoret, pllakat përkujtimore të dëshmorëve në tërë Kosovën.
Ky është vitit i dytë, që në manifestimin tradicional, “Epopeja e Ushtrisë Çlirimtare të Kosovës”, në Prekaz, ku kanë marrë pjesë 22 vite me radhë, kësaj radhe mungojnë bashkëluftëtarët e Legjendarit, Adem Jashari dhe krerët më të lartë të UÇK-së dhe të OVL-UÇK-së: Jakup Krasniqi, Hashim Thaçi, Kadri Veseli, Rexhep Selimi, Salih Mustafa, Nasim Haradinaj, Hysni Gucati dhe Pjetër Shala, të cilët ndodhen në burgun e Gjykatës Speciale, në Hagë, pasi akuzohen se krijimi dhe veprimtaria e UÇK-së, paska qenë ndërmarrje kriminale dhe jo luftë çlirimtare të cilën e ka ndihmuar nga ajri duke e bombarduar Serbinë, edhe Aleanca më e fortë e më e madhe ushtarake e botës, NATO-ja.
