Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot kur pritet të takohen për të biseduar anëtarët e Komisionit për Reformën në Drejtësi, Partia Demokratike nuk do të mbështesë propozimin e qeverisë për të miratuar në parim projektin me ndryshimet kushtetuese. Ky propozim u bë gjatë mbledhjes së fundit nga kryetari i Komisionit të Reformës, socialisti Fatmir Xhafaj, pasi ekspertët ndërkombëtarë bënë prezantimin e projektit që u mbështet publikisht nga dy ambasadorët. Në qëndrimin e saj zyrtar, opozita thotë se votimi në parim në një Komision të posaçëm është një procedurë ekstra kushtetuese dhe ekstraparlamentare dhe se sipas kushtetutës nisma për ndryshimin e ligjit themeltar të shtetit merret nga jo më pak se 1/5 e deputetëve të Kuvendit. Opozita i shton argumentit të saj për të qenë të kujdesshëm me procedurat edhe faktin se hapat e ndjekur për miratimin e këtyre ndryshimeve do t’i nënshtrohen më vonë kontrollit nga Gjykata Kushtetuese.
