driloni com
vipa
Fillimi / Lajmet / Përfaqësuesit e Odës së Afarizmit të Kosovës mbajtën takim me përfaqësuesit e AKP-së
Përfaqësuesit e Odës së Afarizmit të Kosovës mbajtën takim me përfaqësuesit e AKP-së

Përfaqësuesit e Odës së Afarizmit të Kosovës mbajtën takim me përfaqësuesit e AKP-së

Përfaqësuesit e Odës së Afarizmit të Kosovës mbajtën takim me përfaqësuesit e AKP, ku u pritën nga Drejtori për Koordinim Rajonal z. Petrit Ibraj me bashkëpunëtor. Qëllimi i këtij takimi ishte shqyrtimi i mundësive të bashkëpunimit dhe sigurimi i informacioneve të nevojshme në lidhje me tokat që AKP ka në dispozicion për investitorët dhe palët e interesuara. Në këtë takim kryetari i odës z. Skënder Krasniqi theskoi se gjatë takimeve që Oda e Afarizmit të Kosovës është duke mbajtur me investitorë vendorë dhe të huaj është duke parë mundësinë e tërheqjes së tyre në Kosovë dhe për të bërë një gjë të tillë është shumë e nevojshme që të ju prezentojmë ofertat dhe mundësitë konkrete palëve të interesuara. Krasniqi gjithashtu theksoi se Odës i nevojitet informatë konkrete nga AKP-ja në lidhje me sipërfaqet që AKP i ka dispozicion në tërë territorin e Kosovës, duke përfshirë sipërfaqet bujqësore dhe objektet.

Nga ana tjetër z. Ibraj theksoi se problematikë kryesore janë kufizimet që janë të rregulluara me udhëzimet e brendshme kur kohëzgjatja e kontratave të qiradhënies është vetëm 6 muaj deri në 1 vit maksimumi sepse ligji nuk e lejon ndryshe. Megjithatë AKP ka një listë të aseteve të pashitura ku përfshihen edhe tokat bujqësore, dhe informatat e nevojshme do të i përcjellin tek Oda.

Me këtë rast Oda do të krijojë një pikë kontakti me sektorin e AKP-së, ku të gjithë anëtarët do të mund të drejtohen me kërkesat specifike dhe do të sigurohet një përgjigje e shpejtë. Z.Ibraj theksoi se sipas vendimeve të bordit, AKP-ja nuk mund të negocioj drejtëpërdrejtë me investitorë, por me kërkesën e investitorit, sipërfaqën apo objektin e caktuar, brenda një afati dy mujorë mund ta vendos në Valën e privatizimit.

OAK dhe AKP u pajtuan që të ofrojnë mundësi bashkëpunimi të ndërsjelltë mes të dyja palëve.

Kontrolloni gjithashtu

Ragmi Mustafa: Nëse Serbia kërkon veriun e Kosovës, Medvegja, Bujanoci e Presheva do t’i bashkohen Kosovës

Ragmi Mustafa: Nëse Serbia kërkon veriun e Kosovës, Medvegja, Bujanoci e Presheva do t’i bashkohen Kosovës

Kryetari i Partisë Demokratike Shqiptare, Ragmi Mustafa, ka thënë se çështja e tri komunave shqiptare ...