Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përfaqësuesit e Shqipërisë në Këshillin e Evropës i kanë dorëzuar Komitetit të Ministrave të Këshillit të Evropës një dokument, për Kosovën në formën e një dokumenti zyrtar. Në dokumentin, i cili iu dorëzua misioneve të përhershme tre ditë më parë, thuhet se aplikacioni i Kosovës për anëtarësim në Këshillin e Evropës tashmë është mbështetur nga një numër i konsiderueshëm anëtarësh. “Republika e Kosovës ka kënaqësinë të njoftojë se aplikacioni i saj për anëtarësim tashmë është mbështetur nga një numër i konsiderueshëm i anëtarëve të KE-së. Bisedimet e fundit me anëtarët e Asamblesë Parlamentare gjithashtu kanë treguar mbështetje të fortë për një anëtarësim të tillë”, thuhet në dokument, ku përkujtohet se Kosovën e njohin 74 për qind të vendeve anëtare të kësaj organizate ndërkombëtare. U theksua se kërkesa e Kosovës për anëtarësim në Këshillin e Evropës nuk do të ndikojë në vendimet e shteteve që nuk e njohin Kosovën. Anëtarësimi i Kosovës në Këshillin e Evropës, siç u theksua, “është plotësisht në përputhje me Statutin dhe qëllimet e kësaj organizate”. Dokumenti iu referua edhe shembullit të Zvicrës, duke thënë se është shembull që një vend që nuk është anëtar i Kombeve të Bashkuara mund të pranohet në Këshillin e Evropës.
