Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Duke folur për gjendjen shëndetësore të Sami Ukshinit që po mbahet në burgjet e ish-Republikës Jugosllave të Maqedonisë, avokatja e tij, Artene Hyseni ka thënë se gjendja e tij shëndetësore është pasojë e keqtrajtimit, që është duke iu bërë pjesëtarëve të Grupit të Kumanovës nga policia. Avokatja ka thënë se edhe e ka vërejtur se Sami Ukshini dje dukej më keq në krahasim me javën e kaluar dhe kjo është për shkak se gjatë sjelljes në gjykatë, policia dje sërish i ka maltretuar pjesëtarët e Grupit të Kumanovës. E vërejta edhe unë se dukej më keq se javën e kaluar. Është kthyer sërish avazi i vjetër i sjelljes së keqe të policisë ndaj të arrestuarve gjatë sjelljes në gjykatë. Siç më treguan, nuk janë rrahur sikurse para një muaji, mirëpo policia është sjellë në mënyrë nënçmuese. Dy orë e gjysmë janë mbajtur me kokën ulur dhe kjo nuk është lehtë, ka deklaruar në mes tjerash avokatja Artene Hyseni.
