Përkujtohet ish-veterani i UÇK-së asamblistit dhe humanistit, Astrit Thaçi

11/09/2019 Institucionet

Në një vjetorin e vdekjes së veteranit të UÇK-së, asamblistit dhe humanistit Astrit Thaçi, komuna e Rahovecit ka bërë homazhe, ka vendosur kurora lulesh dhe ka mbajtur mbledhje përkujtimore për të nderuar veprimtarinë e tij. Kryetari i Komunës së Rahovecit, Smajl Latifi tha se vdekja e Astrit Thaçit i lëndoi të gjithë qytetarët e Rahovecit, teksa tha se ai ka dhënë shumë për këtë komunë. “Sot, jemi mbledhur bashkë, në njëvjetorin e ndarjes nga jeta, të veprimtarit, humanistit, punëtorit, ushtarit e asamblistit Astrit Thaçi. Vdekja aq e hershme e Astrit na lëndoi shumë, duke e njohur shpirtin e tij human e atdhetar, për ne, qe një humbje e madhe. E kam njohur kaherë, para angazhimit në jetën publike, atëherë kur të gjithë bashkë na bashkonte një ideal, një qëllim madhor – ai i luftës për Liri. Por, kontributi dhe përkushtimi i tij nuk u ndal as pas përfundimit të luftës, gjendja shoqërore dhe ekonomike, përmirësimi i kushteve jetike ishte motivi i punës dhe veprimtarisë së tij.”, tha Latifi. Kryetari i degës së PDK-së në Rahovec, Idriz Vehapi shprehu fjalët më të mira për ish -bashkëpartiakun e tij. “Astriti iu gjet Kosovës në luftë, për të mos kursyer asgjë nga vetja, për të jetuar lirinë që e ëndërronin të parët e tij dhe e përcillnin si amanet brez pas brezi”, tha ai. Vajza e Astritit, Doruntina nën emocione u shpreh se gjithë familja e tyre janë krenar për veprimtarinë e babit të tyre. “O Babi o hëna ime. o hëna ime që i jep çdo natë dritë shtëpisë sime. O i vetmi im, o shpirti më human dhe i pasur që kam njohur në jetë. Po të ishe këtu me mua do të thoja vetëm një fjalë, jam krenare që jam bija jote. Jam krenare që kam një baba si ti”, tha ajo. Fjalë të mëdha për Astrit Thaçin shprehu dhe kryetari i kuvendit komunal të Rahovecit, Afrim Dina dhe shokët e tij, teksa thanë se ai u ka ndihmuar të gjithë njerëzve në nevojë.

Kontrolloni gjithashtu

Komiteti për Familjet e Dëshmorëve, Invalidëve dhe Veteranëve të UÇK-së  dhe Martirëve të luftës në komunën e Malishevës mbajti mbledhjen e tretë të rregullt

Komiteti për Familjet e Dëshmorëve, Invalidëve dhe Veteranëve të UÇK-së  dhe Martirëve të luftës në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara