Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Prishtinës, Përparim Rama, ka kritikuar Qeverinë në detyrë për mënyrën se si, sipas tij, po trajtohen komunat, duke e akuzuar kryeministrin në detyrë, Albin Kurti, për përdorim politik të institucioneve. Në protestën e komunave në Prishtinë, Rama tha se komunat ku Vetëvendosje nuk ka fituar po përballen me bllokime të buxheteve, investimeve dhe të hyrave vetanake. Sipas tij, pasojat e këtyre veprimeve nuk i bartin kryetarët e komunave, por qytetarët. “Albin Kurti po i përdor institucionet për me i blloku dhe ndëshku qytetarët”, tha Rama. Ai e cilësoi situatën si paradoksale, duke thënë se komunat janë detyruar të protestojnë për t’u mbrojtur nga ndërhyrjet e nivelit qendror. Rama kundërshtoi veçanërisht përdorimin e buxheteve komunale si mjet presioni politik. “Buxheti i komunës, o Albin, nuk është instrument i disiplinimit politik. Nuk është diktaturë kjo, është Republikë”, deklaroi ai. Në fund, Rama kërkoi që të ndalen bllokadat dhe që institucionet të funksionojnë në interes të qytetarëve.
