Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Prishtinës, Përparim Rama, ka akuzuar Lëvizjen Vetëvendosje për pengim të iniciativave të Komunës së Prishtinës, duke thënë se Gjykata edhe në rastin e fundit ka vendosur në favor të Kryeqytetit. Rama, përmes një reagimi në rrjetet sociale, tha se pothuajse çdo iniciativë e ndërmarrë nga komuna për zhvillimin e Prishtinës është përballur, sipas tij, me bllokada institucionale nga Vetëvendosje. “Pothuajse për çdo iniciativë që kemi ndërmarrë për zhvillimin e Kryeqytetit, kemi pas bllokada nga Vetëvendosje! Ja edhe një tentim prej tyre! Gjykata edhe këtë herë i dha të drejtë Kryeqytetit! Edhe një betejë institucionale e fituar!”, ka shkruar Rama. Ai ka vazhduar me akuza ndaj Vetëvendosjes, duke e cilësuar këtë subjekt si përgjegjës për, siç pretendon ai, linçim, fabrikim dhe denigrim të njerëzve. “Vetëvendosje, po e përsëris: ju jeni fatkeqësia e këtij vendi. Keni ardhur në pushtet tu linçu, fabriku e tu tentu me denigroni njerëz. Njëjtë keni me përfundu!”, ka deklaruar Rama.
