Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Bashkimi Evropian takimet e ardhshme në kuadër të dialogut mes Kosovës dhe Serbisë, i konsideron si vazhdim i dialogut, e jo si ndonjë fillim i ri i tij, ashtu sikur ka deklaruar kryeministri i Kosovës, në përpjekje për të injoruar çdo të arritur të vendit, gjatë kohës sa ishte në opozitë. Zëdhënësi i BE-së për çështje të jashtme, Peter Stano, është cituar të ketë deklaruar se “Rruga drejt BE-së për Kosovën dhe Serbinë, shkon përmes dialogut të ndermjtësuar nga BE-ja. Ky dialog ka nisur në vitin 2011 dhe vazhdon me takimin e nivelit të lartë së shpejti. Në kuadër të procesit që është në vazhdim e sipër, janë ndërruar qeveritë në të dyja anët, por përkushtimi ka mbetur. Të gjitha çështjet e diskutuara deri me tash dhe që do të diskutohen në të ardhmen në kuadër të dialogut, janë kyçe për normalizimin gjithëpërfshirës të raporteve mes Kosovës dhe Serbisë”, ka thënë zëdhënësi i BE-së për çështje të jashtme, Peter Stano. (REL)
